Yara na sa karun sa kustodiya sang Philippine National Police ang pugante nga si Pastor Apollo Quiboloy pila ka semana humalin sang nagsugod ang mga otoridad sa pagpangita sa sulod sang compound sang Kingdom of Jesus Christ sa Davao City.
Suno kay PNP spokesperson PCol. Jean Fajardo, si Quiboloy ang malinong nga nagsurrender matapos ang mga negosasyon kaupod sanday Jackielyn Roy, Ingrid Canada, Cresente Canada, kag Sylvia Cemañes.
Suno diri, natabo ini pasado ala 1:30 sang hapon kun sa diin nakaangkon sang negosasyon para sa malinong nila nga pagsungka.
Suno diri, ginhatagan sila sang ultimatum nga sa sulod sang 24 ka oras, kinahanglan nila nga magsungka kag nakaangkon sang negosasyon.
Ini ang joint efforts sang PNP kag Armed Forces of the Philippines.
Ginpasiguro naman sang AFP ang ila suporta sa PNP may kaangtanan sa ila operasyon batok kay Quiboloy.
Suno kay AFP Spokesperson Col. Francel Padilla, ang ila role sa operasyon amu ang maghatag sang suporta sa PNP agud iserbe ang warrant of arrest bangud ini ang purely police operation.
Una nga gin-anunsyar ni Department of the Interior and Local Government secretary Benhur Abalos ang development sa social media.
Suno kay Fajardo, sa sulod sang KOJC compound nakit-an si Quiboloy kag ang iya mga co-accused.
Nagpamalibad naman ini nga maghatag sang detalye kun diin nanago si Quiboloy kag kun paano ini nagsurrender.
