Gindeklarar nga dead on arrival sa ospital ang nasapwan nga isa ka ginapahayag pastor nga may pilas sa ulo kag likod nga tuga sang wala mahibaluan nga calibre sang armas-luthang sa Sitio Narra, Purok 4, Barangay Lumbia, Cauayan, Negros Occidental sang Abril 2, 2026 sang gab-i.
Natumod ang biktima nga si Alias Jol, single, Pastor sang Baptist Christian Bible Fellowship kag Former CAFGU member kag residente sang Barangay Santol, Binalbagan, Negros Occidental.
Santo sa imbestigasyon, may naglabay sa lugar nga magapauli na kuntani apang nakita ang biktima nga nagahigda.
Sang gintsekyar sang mga ini nakita sang mga ini nga ang biktima ang may pilas nga tuga sang pagluthang sa ulo kag likod sini.
Ginpahibalo sang mga ini ang barangay officials kag gilayon nga gindala sang Cauayan District Hospital kag gindeklarar nga dead on arrival.
Nagtawag man ang ospital sa Cauayan Municipal Police Station agud nga ipahibalo nga may gindala didto nga persona nga may gunshot wounds kag gilayon man ang mga ini nagresponde sa pagpanguna ni Police Lt. Col. Norberto Barniso, hepe sang nasambit nga police station kaupod si Police Senior Master Sergeant Leo G. Geolingo, Investigator on Case
Sa karun nagapadayon ang imbestigasyon sang Cauayan Municipal Police Station agud nga matumod ang suspek kag motibo sa pagpatay sa biktima.
