Dako ang paglaum ni President Ferdinand “Bongbong” Marcos Jr nga mapalab-ot sang Pilipinas ang produksyon sang durian sa merkado sang New Zealand.
Sa ginpatigayon nga bilateral meeting sa sidelines sang 44th kag 45th ASEAN Summit kag Related Summits, ginhambalan ni Marcos si Prime Minister Christopher Luxon nga naganegosyar na ang Department of Agriculture kag Ministry for Primary Industries sa New Zealand kun paano ma-achieve ang pag-export sang durian.
Suno kay Luxon, maayo ang koneksyon sang Pilipinas kag New Zealand ilabi na sa pagsansyog sang security, trade kag economy, kag dugang pa sini, iya ginalauman nga mapadali ang pagsulod sang durian kag pinya sa New Zealand samtang mapadala naman nila ang ila produksyon sang bombay sa Pilipinas.
Suno sa Presidential Communications Office, padayon ang konsultasyon sa tunga sang Department of Agriculture kag Ministry for Primary Industries of New Zealand nga ginalauman nga matapos sa madali nga tion.
