Gindayaw ni President Ferdinand Marcos Jr. ang Philippine National Police (PNP) sa pagkadakop ni Kingdom of Jesus Christ (KOJC) founder Apollo Quiboloy kag gintawag ang madinalag-on nga operasyon bilang “police work at its best.”
Suno kay Marcos, si Quiboloy ang nagsurrender sa mga otoridad sang Sabado sang gab-i bangud sa nagapadayon nga pressure sang law enforcers sa police operation.
Suno kay Marcos, ini ang mahimo sang PNP kun sila ang ginapangunahan sang maayo kag maayo ang pagka-intindi kag pagcoordinate sa nagkalain-lain nga ahensya.
Apang ini lamang ang mahimo sang mga kapulisan, ila ginalagas ang mga kriminal kag ginapatuman ang court orders.
Gin-eksplekar man sang Presidente nga ang presensya sang mga suldado sa pagkaaresto ni Quiboloy amu nga bangud gintap ang Armed Forces of the Philippines (AFP) nga magserbi bilang isa ka augmentation force kag ginrequest mismo sang kampo ni Quiboloy.
Nagpasalig ini sang transparent nga nasanto sa layi nga due process kag wala sang special treatment nga igahatag sa evangelist.
Suno man kay Marcos, wala pa nakarequest ang Estados Unidos sang extradition apang ginpahayag sini nga dapat himuon anay ang local judicial process.
