Ginmanduan ni President Ferdinand Marcos Jr. ang disaster response agencies nga siguruhon nga makabaton sang early warnings ang mga Filipino natuhoy sa palaabuton nga mga bagyo.
Ini ang ginhambal ni Marcos matapos ang isa ka meeting kaupod ang mga opisyales sang Department of Public Works and Highways, Department of the Interior and Local Government, kag Metropolitan Manila Development Authority.
Suno kay Marcos, prayoridad sang gobyerno ang kaluwasan sang mga pumuluyo gani ginmanduan sini ang mga disaster response agencies nga siguruhon nga makabaton sang timely warnings ang mga Filipinos natuhoy sa palaabuton nga mga bagyo kaupod ang maathag nga instructions kun ano nga mga tikang ang pagahimuon kag diin magpangita sang tiniran ukon assistance.
Suno diri, committeed ang gobyerno sa pagdevelop sang mga teknolohiya agud maprotektahan ang kabuhi sang mga Filipino nagikan sa palaabuton nga mga kalamidad.
Sa data sang National Disaster Risk Reduction and Management Council (NDRRMC), nagdangat na sa 39 ang nareport nga numero sang nagkalamatay bangud sa combined effects sang habagat kag Bagyo Carina kag Butchoy.
