Patay ang isa ka pedestrian matapos aksidente nga mabungguan sa National Road, Sitio Tuyuman, Barangay Caradio-an, Himamaylan City, Negros Occidental kagab-i, Enero 5, 2026.
Santo sa imbestigasyon sang Himamaylan City Police Station ang Toyota Avanza, nagaduag sang green nga ginamaneho ni Alias Jay, 38 anyos, kasado kag residente sang Purok 2, Barangay 4, Himamaylan City, Negros Occidental ang nagabiyahe halin sa nabagatnan padulong sa naaminhan nga direksyon apang sang nakalab-ot sa lugar sang insidente hinali lang nagtabok ang wala makilal-an nga lalaki nga nagapanago sa katubuhan rason nga nabungguan ini.
Bangud sini ang pedestrian ang nakaangkon sang samad sa ulo kag nagkalain-lain nga bahin sang lawas sini.
Gindala pa ini sang Himamaylan City responding team sa Governor Valeriano M. Gatuslao Memorial Hospital apang gindeklarar ini nga wala na sang kabuhi.
Ang driver kag ang salakyan ang yara na sa paghinakop sang Himamaylan City Police Station for proper disposition.
