Nagpasa sang hagna ang Prime Minister sang Senegal nga magadoble sang penalidad para sa same-sex relations, nga tubtob 10 ka tuig nga pagkapreso.
Suno kay Ousmane Sonko, ang sin-o man nga mapamatud-an nga naghimo sang “act against nature” ang pagapamatbatan sang lima tubtub 10 ka tuig nga pagkapreso.
Ang hagna ang ginpasar sang National Assembly of Senegal matapos gin-aprubahan sang gabinete sang nagligad nga semana.
Kasunod ini sang pila ka mga pag-aresto sa mga tawo nga gin-akusahan nga naglapas sa existing anti-LGBTQ laws.
Sa kaso, ginkilala sang mga imbestigador ang isa ka grupo nga gin-akusaran sang sexual violence batok sa mga kabataan kun sa diin 14 ka tawo ang nadakpan.
Pahayag pa niya, ang hagna nagasakop sang duha ka isyu—ang same-sex relations kag child sexual abuse.
Gindugang pa dini sini nga kun ang aksyon ang ginhimo sang isa ka menor de edad, maximum penalty ang ipatuman.
Ang hagna nagasiling man nga ang bisan ano nga exual act sa tunga sang duha ka tawo nga same sex pagakabigon nga isa ka “act against nature.”
Ang hagna nagalakip man sang probisyon nga magapatuman sang tatlo tubtob pito ka tuig nga pagkapriso sa sin-o man nga nagaduso ukon nagasuporta sang relasyon sang pareho nga sexuality.
Ang mga kinamatarong sang LGBTQ madugay na nga isa ka sensitibo nga isyu sa Senegal, kun sa diin ang mga religious group ang masami nga nagapamatok sa amo nga adbokasiya.
Pila ka mga demonstrasyon ang ginhiwat sang nagligad nga mga tinuig agud maghingyo sang mas mabug-at pa nga mga penalidad.
