Ginatutukan karon sang Provincial Environment and Natural Resources Office (PENRO) ang pagbantay sa mga kasubaan diri sa Negros Occidental.
Sa interview sang Bombo Radyo kay PENRO Officer Edgardo Rostata, ila nga ginahighlight subong nga tuig ang pagpakigbahin sa rivers for life program ukon pagkilala sa mga institusyon kag mga indibidwal para sa ginatawag nga “vibrant rivers”.
Magluwas sa isyu sang basura, plano man nila nga buhion ang mga adaptors sa mga suba sa probinsya.
Ang ini nga mga adaptors amo ang mga kompaniya nga nagabulig sa pagpanglimpyo sang suba kaangay na lamang sang mga eskwelahan, private sectors kag mga Brgy. Officials.
Sa selebrasyon sang Earth day subong nga adlaw, nga mga may tema “protect our species”, my mga nakatalana nga mga aktibidad ang talatapan kaangay na lamang sang coastal clean-up, kag pagpatigayon sang mga ini sang training sa ila mga community volunteers nahanungod sa forest fire protection kag law enforcement.
Ginpahayag pa sini nga ang pag-amlig sang aton palibot ang indi lamang responsibilidad sang Department of Environment ang Natural Resources (DENR) kag Local Government Unit ukon LGU kundi responsibilidad sang tanan.
Date of airing: April 22, 2019
