BACOLOD CITY – Magapatigayon sang pagsinapol ang officer-in-charge sang Provincial Environment and Natural Resources Office (PENRO) upod sa natungdan nga mga ahensiya sang gobyerno agud matapna ang pagpaguwa kag pagpasulod sang endangered species sa Negros Occidental.
Suno kay PENRO OIC Edgardo Rostata, subong nga adlaw patigayunon ang pagsinapol upod sa Philippine National Police kag iban pa nga ahensiya agud indi na maliwat ang pagpalusot sang mga pangolins ukon balintong, mga pawikan kag iban pa nga sapat kaangay sang nagkalasapwan sang damlag lang.
Suno kay Rostata, padayunon ang pagdestino sang mga personnel sa mga pantalan agud ma-monitor ang pagpaguwa kag pasulod sang mga kasapatan sa probinsiya.
Pormal man sila nga magadihon sang mekanismo agud indi na masulit ang amo pagpalusot sang mga endangered species.
