Indi magnubo sa walo ka mga persona ang pilason matapos gintay-og sang magnitude 7.2 nga linog ang sur nga bahin sang Peru kagab-i.
Ini ang may kadalumon nga 28 kilometers ukon 17 miles suno sa United States Geological Survey (USGC).
Suno sa mga residente sang Atiquipa, ila nabatyagan ang tuman kakusog kag malawig nga linog nga gintunaan sang pag-uyog sang ila mga katre.
Makit-an man sa CCTV footage nagikan sa malapit nga banwa sang Caraveli ang isa ka residential street kun sa diin kadungan sang makusog nga pagtay-og ang pagwa sang mga pumuluyo sa ila mga puluy-an.
Ang linog ang nabatyagan mangin sa captal sang Peru kun sa diin may mga videos man nga naga-uyog ang mga poste sa Lima.
Walo ka mga persona ang napilasan sa insidente suno sa mga otoridad.
Sa nasambit nga numero, lima ang nakabaton sang medical attention sa duha ka mga ospital sa rehiyon sang Ica kag tatlo ang ginbulong bangud sa minor injuries.
