Nag-file sang petition si former Executive Secretary Vic Rodriguez sa Korte Suprema nga ideklara nga “null and void” ukon invalid ang September 23 ruling sang Senate impeachment court sa trial ni Vice President Sara Duterte.
Naghingyo man si Rodriguez sang temporary restraining order sa ruling, sa diin ginpanubuan ang base sang two-thirds vote nga kinahanglan para sa conviction.
Ginpanindugan sini nga na-set ang voting threshold sa two-thirds sang tanan nga miyembro sang Senado, ukon 16 sa 24 ka mga senador ang isipon.
Dugang pa, nagpangabay man si Rodriguez sa Supreme Court nga ideklara nga ang Article XI, Section 3(6) sang 1987 Constitution, ukon ang probisyon nga nagasiling nga ang two-thirds sang senado ang kinahanglan agud ma-convict ang impeached official, sa diin nagabase sa 24 ka myembro sang Senado.
Lakip man diri ang request nga i-deklara sang SC nga wala sang gahum ang Senate nga i-modify ang constitutional denominator base sa kaugalingon nga rules of procedure.
Ginhingyo man ni Rodriguez sa High Court nga i-reinstate ang ruling ni impeachment presiding officer Sen. Francis “Chiz” Escudero sang Hulyo 6, kun sa diin na set ang conviction threshold sa 16.
Ginpanindugan ni Rodriguez nga ang Konstitusyon nagasiling nga ang Senado ang ginabug-usan sang 24 ka mga senador.
