Ginpaidalom na sa full alert status ang Philippine Coast Guard subong nga yuletide season.
Sa interview sang Bombo Radyo Bacolod kay Commander Joe Luviz Mercurio, commander sang Coast Guard Station-Negros Occidental, nakafull alert na ang Philippine Coast Guard kun sa diin hugot ang ila nga pagtsekyar ilabi na ang may karga sang mga foreign vessels nga nagadungka sa mga seaports ilabi na nga ginadumilian ang pagpasulod sang mga pork products sa syudad sang Bacolod kasubong man sa probinsya bangud sa African Swine Feve (ASF).
Suno kay Mercurio, kaupod man sang coast guard sa pagpatigayon sang panelling operation ang Bureau of Animal Industry.
Padayon man ang ila nga pagpatuman sang security measures sa mga seaports ilabi na sa karun nga yuletide season bangud madamo na ang nagabiyahe.
Nagpanugyan man ini sa publiko nga nakahanda ang coast guard nga maghatag sang bulig sa tion nga kinahanglan.
