Philippine men’s curling team, nakabatun sang incentives gikan sa Philippine Olympic Committee

Ginhatagan sang incentives ang men’s curling team sang Pilipinas kasunod sang ila pagdaog sang labing una nga gold medal sa ginhiwat nga Asian Winter Games subong nga tuig.

Nakabaton sang 5,000 dollars ang kada miyembro sang team bilang reward nagikan sa Philippine Olympic Committee (POC) Executive Board.

Suno kay POC President Abraham “Bambol” Tolentino, nagapakita lamang ini sang ila pagpasalamat sa team sa ginhatag nila nga bugal kag dungog sa pungsod.

Nagpasalig man ang opisyal nga suportahan ang curling team kag iban pa nga winter sports athlete agud maka-qualify sa Milano Cortina Winter Olympics sa masunod nga tuig.