Liwat nga irepresentar sang Philippine volleyball icon nga si Alyssa Valdez ang pungsod sa isa sa pinakadako nga stage sa patag sang sports.
Ang Ateneo de Manila University legend ang indi maghampang, sa baylo siya ang magaserbe nga ambassador para sa FIVB Volleyball Men’s World Championship 2025 nga i-host sang Pilipinas sa Setyembre.
Pagaupdan ni Valdez ang iban pa nga mga stars nga sanday Bryan Bagunas kag Eya Laure bilang ambassadors para sa world championships.
Bilang kabahin sang 100-day countdown sa main event, mangin host ang pungsod sa Invitationals sang Alas Pilipinas halin Hunyo 10-12 kun sa diin i-feature ang men’s national team nga magahampang batok sa mga guests nagikan sa Indonesia, Thailand, kag Korea.
Ang Alas Invitationals ang hiwaton sa Araneta Coliseum sa Cubao samtang ang FIVB men’s world championship ang natalana sa Setyembre 12 tubtob 28.
