Nagkanselar sang byahe ang pila ka mga barko gikan sa Bacolod City kag Negros Occidental nga padulong sa pila ka mga area bangod sa malain nga tiyempo tuga sang Bagyo INDAY.
Sa interview sang Bombo Radyo Bacolod kay Coast Guard Commander Artzell Anacan, commander sang Coast Guard Station Northern Negros Occidental, ang ginpagwa nga Sea Travel Advisory No 1 ang nakabasi sa advisories sang mga shipping companies.
Ang mga nagkanselar sang byahe ang ginalakipan sang MV Fastcat M8 kag MV Montenegro nga lunsay gikan sa Banago Port padulong sa Dumangas Port sa Iloilo; MV Miguel MVP kag MV Ron Jayredine gikan sa Pulupandan Port padulong sa Guimaras Islands; kasubong man ang Fastcut M9 sa San Carlos City padulong sa San Carlos Port.
Paahag sang konsehal nga apisar wala sang storm signal, ang mga shipping company ang mahimo magdeklarar sang kanselasyon sang byahe ilabi na kun may bagyo.
