Nahubsan sang fuel supply ang gasolinahan sa corner BS-Aquino Driver – Lacson Street, Bacolod City matapos nga madamo sang mga nagtughong bilang preparasyon sa ginalauman nga bigtime fuel price hike sa Martes.
Sa interview sang Bombo Radyo Bacolod kay Francis Watimar, gasoline boy, madamo sang mga nagpafull tank na kag may-ara man sang mga nagadala sang container.
Suno diri, wala sila sang delivery sang gatong kun Domingo, apang mahimo may-ara naman sang madeliver subong nga adlaw.
Sila ang nagsugod sa pagsarado ala-1:00 kahapon sang hapon.
Samtang gin-utay utay naman sang isa pa ka fuel station ang pagpatuman sang oil price hike sang Martes.
Sa interview sang Bombo Radyo Bacolod kay Irish Pedres, supervisor sang fuel station sa Lacson Street, Bacolod City, masako na sila bangod sumugod sang nakaligad nga Lunes, nagduging na ang mga motorista nga nagapatughong, nagapafull tank kay may mga nagadala sang container bilang preparasyon sa ginalauman nga bigtime oil price hike sa Martes.
Suno diri ang fuel price hike nga gindeklarar sang Martes ang ginstaggard nila ang pagpatuman agud indi tuman ka sakit sa mga motorista.
Sila ang nagapasaka sang P0.50 kada adlaw.
Aminado si Pedres nga dako ang epekto sang ginalauman nga bigtime oil price hike kag bisan sila nga nagatrabaho sa fuel stations ang apektado man.
Suno diri, may mga motorsiklo man kag nagatughong sang gasolina ang iban sa ila, samtang siya ang nagacommute naman, kag ginapaabot na sini ang dako nga posibilidad sang pagpasaka sang plete.
