Ginkondenar sang pila ka mga senador ang isa ka AI-generated video nga ginpagwa sang isa ka China-based media outlet nga naglaragway sa mga Pilipino bilang mga amo angot sa isyu sa 2016 Arbitral Award sa West Philippine Sea (WPS).
Suno kay Senate President Sherwin Gatchalian, wala sang lugar ang racism kag ang pagpakanubo sa dignidad sang tawo, apisar pa may mga indi paghangpanay sa tunga sang mga pungsod.
Gin-agda man sini ang tanan nga media kag mga institusyon nga mangin responsable kag iduso ang maayo kag may respeto nga pagdul-ong sang balita.
Ginpahayag naman ni Senator Francis “Kiko” Pangilinan nga maathag nga racist kag makainsulto ang nasambit nga video.
Nagpanawagan ini sa gobyerno sang China nga ipakakas ang video, magpangayo sang pasaylo, kag pasabton ang mga responsable sa paghimo kag pag-publish sini.
Samtang, ginpabutyag naman ni Senate Majority Leader Migz Zubiri nga indi dapat magdangat sa racism kag pagpakahuya ang indi paghangpanay sa isyu sa WPS.
Suno diri, padayon nga ipakigbato sang Pilipinas ang kinamatarong sini paagi sa layi, kamatuoran, kag diplomasya.
