BACOLOD CITY – Gindugukan sang mga pumuluyo sa Purok Mahigugmaon, Barangay Pahanocoy, ciudad sang Bacolod ang isa ka balyena nga nasampay sa higad-baybayon antes pa man nagbubo ang mabaskog nga ulan las-2:35 kaina sang hapon.
Nagpaunahay sa pagkuha sang mga selfies kag picture ang mga tawo bangud ini ang labing una nga kahigayunan nga may masampay nga balyena sa ila nga lugar.
Ginpahayag sang purok president nga si Jerry Alit, sang ila gin-usisa sang maayo ang sapat, nga nagalaba sang napulo katapak, ila nakit-an nga madamo ini sang kapilasan sa nagkalain-lain nga bahin sang iya nga lawas.
Gilayon ini nga gintawag sa Bureau of Fisheries and Aquatic Resources (BFAR).
Nagapati naman ang mga residente nga may luyag ipatunda ang pagkasampay sang balyena sa nasambit nga lugar.
