Natalana nga maimport ang Pilipinas sang 16,000 metric tons sang fresh yellow onions subong nga tuig agud masiguro nga nagakaigo ang suplay sang nasambit nga produkto para sa holiday season.
Suno kay Agriculture Secretary Francisco Tiu Laurel Jr., ginaprubahan na sini sang nagligad pa nga Lunes ang memorandum sa issuance sang sanitary kag phytosanitary import clearance para sa natalana nga importasyon.
Nakasaad nga rason amo ang kakulangan sang suplay sa pungsod nga 3,296.50 metric tons.
Maabot naman ang gin-import nga bombay kada batch, kada duha ka bulan.
Suno pa sa tiglikom, ang una nga hugnat ang mapasulod na diri sa Pilipinas sa sini nga weekend ukon sa temprano nga bahin sa masunod nga semana.
Ginplastar man sang Bureau of Plant Industry (BPI) nga ang katapusan nga batch sang imports ang magaabot sa katapusan nga bahin sang Disyembre agud nga indi man tuman nga maapektuhan ang local producers nga magasugod na sa pag-harvest sa Enero 2025.
