Ginpahayag sang coach ni Mico Villaran nga ang pinasahi nga hair dye sini ang nagahatag sa iya sang identity.
Suno kay Coach Miguel Arca, ang paghair dye sang buhok ni Mico ang indi lang bangud sa luyag-luyag lang.
Suno kay Arca, nakita sini nga ang pagpahair dye sang atleta ang nakahatag pa sang dugang nga self-confidence kag mas nagaganahan ang mga ini magtraining kag maghampang.
Dugang pa sini nga kun may hair dye dapat nga ipakita nga mabakod ka nga klase tawo gani ini ang napamatud-an ni Villaran paagi sa pagpakita sang iya abilidad.
Nakita man sini nga nakahatag man sang identity kay Villaran ang pinasahi sini nga hair dye.
Bisan nga nagpadulong ang mga ini sa Vietnam agud maghampang, nangin kalingawan sang mga tawo ang pinasahi nga color sang buhok ni Villaran.
Samtang para naman sa iya bilang coach ang hair dye ang nagabulig sa iya nga makilala ang mga atleta nga ginatraining sini bisan sa malayo.
Isa man ini ka identity nga kun hair dye ang atleta nagikan ini sa Romanito Maravilla National High School.
