-- ADVERTISEMENT --
Nag-abanse na ang Filipina boxer nga si Aira Villegas sa next round sang women’s 50-kilogram boxing sang Paris Olympics kasunod sang iya unanimous win batok sa pambato sang Morocco nga si Yasmine Mouttaki kaina sang kaagahon.
Apat ka mga judges ang naghatag sang score nga 29-28 samtang isa naman ang naghatag sang 30-27.
Ang 28-year-old nga Southeast Asian Games bronze medalist ang naghaboy sang connected combinations batok sa two-time African champion gani iya nakuha ang paborable nga desisyon sang mga hukom.
Bangud sini, atubangon ni Villegas ang Algerian nga si Roumaysa Boualam sa Round of 16 sa Biyernes sang kaagahon, oras sa Pilipinas.
