Pabor ang pinuno sang Bacolod Traffic Authority Office (BTAO) sa full implementation sang Public Utility Jeepney (PUJ) Modernization Program.
Sa interview sang Bombo Radyo Bacolod kay Police Major Junji Liba, kadungan sang pagbiyahe subong sang modernized jeepney may yara ini sang gindeploy nga personnel sa downtown agud nga magbantay bangud may yara sang nagaparking sa downtown area apisar nga gindula na sini ang mahimo parkingan didto.
Suno kay Liba, ang modernized jeepney ang kalabanan nga nagabiyahe sa downtown kag nagdamo man ang salakyan bangud madamo pa sang traditional jeepneys nga nagabiyahe.
Ginapaburan man sini ang full implementation sang Public Utility Jeepney Modernization Program bangud mabuhinan na ang units sang mga jeep nga nagabiyahe sa syudad.
Nagapanawagan man si Liba, sa nagabiyahe sa traditional jeepneys nga sundon ang pagmodernize sang jeep bangud isa na ini ka layi bangud sa ulihi madula man ini ang units bangud wala na ang mga ini ginapahanugutan nga makarenew sang prangkisa.
