Para sa Officer in Charge sang Bacolod Traffic and Transport Management Department mas maayo nga tutokan ang preventive measures sang sa reactive nga tikang kasunod sa pagpaggwa sang Department of Transportation (DOTr) sang guidelines para sa safety sa dalanon.
Nagpaggwa si Transportation Secretary Vince Dizon sang mando nga ipaidalum sa mandatory drug testing ang tanan nga public vehicle drivers, kag dapat nga tubtob lang sa anum tubtob apat ka oras ang driving hours.
Para sa mga byahe nga masobra apat ka oras dapat may yara sang replacement driver, kag hugot nga inspection sa roadworthiness kag pagpasanyog sang driver training programs.
Sa interview sang Bombo Radyo Bacolod kay Patrick Leonard Lacson, dapat may provisional authority ang nagabyahe, may lisensya kag prangkisa ang drayber kag dapat gid nga may accident insurance.
Suno diri, dapat tutokan man ang mga colorum bangod alarming ini para sa road safety.
