Pito ang pilason sa aksidente nga nagluntad kun sa diin imbolbado ang isa ka Ceres Bus gikan sa Inapoy, Kabankalan kag isa ka LC Bus nga naggikan sa banwa sang La Castellana, Negros Occidental
Sa initerview sang Bombo Radyo kay Police Captain Bonifacio Galvez, Deputy Chief of Police sang Valladolid Municipal Police Station, kahapon sang aga, nagluntad ang aksidente sa National Highway, ” Higad Baybay ” ,Brgy. Palaka banwa sang Valladolid , Negros Occidental.
Suno diri, nagabyahe ang duha sa magkaangay nga dereksyon kag pag-abot sa area, naghinay ang padalagan sang Ceres Bus kag ini ang wala na-antisipar sang LC Bus amo nga nabungguan sini ang likod nga bahin sang Ceres Bus.
Pito tanan ang pilason nga lunsay sa bahin sang LC Bus, nga gindala sang gilayon sa malapit nga ospital nga sa karun ang mga outpatient na.
