Nakaheightened alert ang Philippine National Police agud masiguro ang kaluwasan sang publiko ilabi na sang mga byahero kag sa pagresponde sa mga emerhensya.
Suno kay PNP chief Police General Rommel Marbil, ila na ginmobilize ang ila police units agud mamintinar ang kalinong kag katawhay sa pagsaulog sang Bag-ong Tuig kag masiguro ang kaluwasan sang mga byahero nga magapauli.
Suno diri, ang yabi amu ang koordinasyon sa mga ahensya sang gobyerno kag local traffic management offices sa pagmanage sang giho sang mga tawo kag mga salakyan sa karun nga masako ang tanan.
Dugang pa sini nga preparado man ang PNP sa paghatag sang first aid sa firecracker related injuries kag magresponde sa mga fire incidents in collaboration sa local fire protection units.
Ginpaandaman man ang publiko batok sa pag-engage sa indi luwas kag mga New Year-related activities kaangay sang pagsunog sang mga goma kag pagblock sang mga dalanon, nga posible nga makapugong sa emergency response efforts bangud sila ang posible nga magpangatubang sang nagakaigo nga sanctions.
