Ginpahayag sang Philippine National Police nga sila ang preparado sa posible nga mangin epekto sang Bagyo OPONG sa pungsod.
Suno kay PNP Acting Chief Police Lt Gen. Jose Melencio Nartatez Jr., ginmanduan kag gin-alerto na sini ang tanan nga police units partikular na sa bahin sang Southern Luzon kag Visayas nga posible maka-eksperyensya sang malain nga tiyempo sa masunod nga mga inadlaw.
Sa iya nangin direktiba sa mga commander sang Luzon kag Visayas, hugot nga ginapatuman ang pagpakig-angot sang mga pulis sa local government unit in kaso nga magpatuman sang pre-emptive evacuation kag iban pa nga operasyon.
Samtang, ginmanduan naman sini ang mga regional directors sa mga naapektuhan sang Bagyo Nando kag Mirasol nga maghatag sang assistance para sa patigayunon nga post-disaster assessments kag mangin sa search and rescue operations sa mga missing nga indibidwal.
