Temporaryo nga pamunuan ni Gen. Camilo Cascolan, Deputy Chief for Administration, ang Philippine National Police samtang nagarecover si PNP chief Gen. Archie Gamboa nagikan sa helicopter crash kahapon.
Ginkompirmar ini ni Interior Secretary Eduardo Año nga si Cascolan ang mangin officer-in-charge sang PNP, ang position nga ginapungkuan ni Gamboa tubtob makabalik ini sa “full duty status.’’
Si Gamboa ang padulong sa Calamba, Laguna, sakay sa 2-year-old Bell 429 helicopter kaupod ang police top officials nga sanday Major Generals Jovic Ramos kag Mariel Magaway kag PNP spokesman Police Brig. Gen. Bernard Banac sang ang chopper ang nakasangit sa linya sang kuryente matapos magtake off sa banwa sang San Pedro, Laguna.
Nakaluwas si PNP Chief Gamboa sa chopper crash samtang yara sa critical nga kondisyon ang duha ka heneral.
Si Gamboa kag ang mga tawo sini ang yara sa San Pedro agud mag-inspection sa mga na-impound nga mga salakyan.
Ang eroplano ang magadala kuntani sa iya sa Camp Vicente Lim sa Calamba.
Suno kay Capt. Ranny Espilles, deputy chief investigator sang PNP Highway Patrol Group special operations division, ang pinuno sang PNP ang conscious sang ini ang ginkuha sa helicopter.
Ang twin-engine helicopter ang ginbakal sang national police sang tuig 2017.
