Gina-abisohan ang mga motorista nga magbalon sang malawig nga pasensya sa patigayonon nga closure sa dalan kag rerouting sa ciudad sang Bacolod para sa highlights sang Masskara Festival.
Sa interview sang Bombo Radyo Bacolod kay Police Major Elmer Bonilla, head sang Traffic Enforcement Unit sang Bacolod City Police Office, sa Oktubre 17 – 19 may closure sa Lacson St halin sa 2nd St tubtob sa Ramos, alas- 2:00 sang hapon tubtob sa gab-i.
Samtang may yara man sang closure sa circumferential road sa dalan padulong sa Bacolod City Government Center halin sa Gonzaga St.
Suno kay Bonilla, kun wala lang man sang importante nga padulongan sa mga lugar nga may yara sang road closure kag rerouting, mas maayo nga likawan maglabay diri agud indi matraffic.
Suno diri, mahimo maka-agi sa Bacolod-Negros Occidental Economic Highway agud mas ligwa ukon mangita na lang sang lain nga ruta.
Pahayag ni Bonilla, talagsa lang ang Masskara Festival kag lauman ang pagbug-at sang trapiko amo nga nagpanugyan ini nga palabaon ang pasensya agud malikawan ang kinagamo sa dalan.
