Nagpaandam si Pope Francis batok sa paggamit sang relihiyon agud makatuga sang konflikto, sa isa ka deklarasyon nga ginpermahan kaupod ang isa ka top Indonesian imam antes ini nagpatigayon sang misa para sa linibo nga mga pumuluyo sa Jakarta.
Ang pagpermahanay sa Istiqlal Mosque ang isa sa mga final major set pieces sang 87-anyos nga Santo Papa sa tatlo ka adlaw nga pagbisita sini sa Indonesia, ang pungsod nga may pinakamadamo nga Muslim, bilang pagkick-off sang iya tour sa palibot sang Asia Pacific.
Ang sentro nga tema sang iya trip amu ang religious harmony.
Sa speech sini sa isa ka mosque, ginpahayag sang Santo Papa nga paagi sa pagtulok sang mas madalum, nagakadiskubrehan nga tanan ang mag-ululutod, pilgrims kag padulong sa Ginoo, mas labaw sa kun ano man ang mga kinaiya.
Nagpaandam man ini batok sa mga konflikto nga gintuga sang weaponisation sang relihiyon kag gintudlo ang environmental crisis bilang existential threat sa human civilisation kadungan sang pakigkita sini sa mga pinuno nagikan sa anum ka official nga relihiyon sang Indonesia.
