Nagpanawagan si Pope Francis sang “mutual respect” sa tunga sang mga relihiyon sa Syria, tatlo ka adlaw matapos nga ginpahalin sa pwesto si President Bashar al-Assad.
Suno sa Santo Papa, nagapangamuyo ini nga ang mga Syrian ang mangabuhi nga may kalinong kag seguridad sa ila pinalangga nga duta kag ang nagkalain-lain nga mga relihiyon ang sarang nga mangin mag-abyanay kag may yara sang mutul respect para sa ikaayo sang pungsod nga madugay man nga nag-antos sa pila ka tuig nga gyera.
Suno sa iya, sa karun nga makabig nga delicate moment sa maragtas sang Syria, nagalaom ini nga malab-ot ang isa ka political solution kag indi na mag-escalate pa ang konflikto kag divisions agud mapromote ang stability kag unity sang pungsod.
Suno sa bag-o nga transitional prime minister sang Syria nga si Mohammad al-Bashir, sa karun na ang tiyempo para sa stability kag calm sa pungsod.
