Nagpaandam si President Ferdinand Marcos Jr sa atubangan sang mga local government unit (LGU) nga nagtambong sa ceremonial turn over sang disaster rehabilitation and reconstruction assistance program funds sa Palasyo sang Malakanyang kahapon.
Sa iya nga mensahe, ginpahayag sang presidente nga ang sin-o man nga mag-usar sang pondo para sa korapsyon ang manabat sa layi.
Suno diri, may yara sang P8.5 billion nga pondo ang gin-alokar sang gobyerno para sa mga LGUs nga naapektohan sang kalamidad humalin sang 2024 tubtob 2026, depende sa ila kinahanglanon.
Ginhatagan pagtamod sang presidente nga ang pondo para sa mga apektado sang kalamidad kag indi pondo agud makwartahan.
Paathag ni Marcos nga wala sang lugar para sa ghost projects, komisyon, kag substandard nga mga materyales sa mga proyekto.
Kadungan sini ang pagganyat sa mga LGU nga magserbe sa ila mga nasakupan nga may integridad kag serbisyo nga nagakaigo para sa ila.
