Gindayaw ni President Ferdinand “Bongbong” Marcos Jr. ang city government sang Bacolod kasunod sang madinalag-on nga pagpatigayon sang MassKara Festival 2022.
Sa iya nga speech sa Paglaum Sports Complex, gincommend ni Marcos si Bacolod City Mayor Alfredo Benitez kasunod sang madinalag-on nga pagpatigayon sang festival.
Suno kay Marcos Jr., sa paghiwat sang MassKara Festival, simbolo nga handa na ang tanan sa pagbalik sa normal nga pangabuhi matapos ang duha katuig nga pandemya.
Dugang pa sini, mangin halimbawa ang Bacolod sa bilog nga pungsod.
Ginpahayag sang presidente nga kun indi siya magsala, ang subong nga Masskara Festival ang pinakamadinalag-on sa kasaysayan sa syudad sang Bacolod.
Nagpasalamat man ang presidente sa mainit nga pagbaton sang mga pumuluyo sa iya kasubong man sa iya pamilya.
