Aminado ang presidente sang Alliance of Hog Raisers Association of Negros Occidental (AHRANO) nga nagnubo ang ila pagbakal sang live weight sang baboy apisar nga peak season na.
Suno kay Ric Lauron, apisar nga sila ang nagasagod nakadepende man sagihapon sa kaluoy sang nagabakal ang presyo sang baboy.
Suno kay Lauron, maayo-ayo ang kita sang nagabaligya sang mga lelechonon ilabi na nga madamo ang nagabakal sini nga holiday season.
Ginpahayag man sini nga ang pinakadako nga ginansya amo ang nagabakal sang buhi nga baboy kag ginapaihaw agud ibaligya sa merkado.
Ginpahayag man sini nga may nagacontrol sa presyo bangud barato ang pagbakal sang buhi nga baboy apang ang ginabaligya sa merkado ang mahal.
Ginalauman nila kuntani nga magamahal na ang pagbakal sang baboy bangud madamo ang demand apang barato sagihapon.
