May ara naman sang panibag-o nga big-time oil price hike subong nga semana matapos mag-anunsyo ang pila ka mga oil companies sang price adjustment sa petroleum products.
Sa magkatuhay nga advisories, nagpatuman ang Petron Corp., Seaoil Philippines Inc., kag Shell Pilipinas Corp. nga magpasaka sang P6.80 kada litro sa gasolina, P7.30 kada litro sa diesel, kag P4.20 kada litro sa kerosene kasubong man sa Petron Gazz kag Unioil Petroleum Philippines Inc. magluwas lamang sa kerosene nga wala sa ila produkto.
Base naman sa ginpagwa nga adjustment range sang Department of Energy (DOE), mahimo manaug ukon magsaka ang presyo sa gasolina tubtob sa P1.00 kada litro.
Magasaka naman sang P2.62 tubtob P4.62 sa diesel, kag P2.22 tubtob P4.22 sa kerosene.
Ang bag-o nga price adjustment ang epektibo kaina alas-6:00 sang aga.
