Lauman ang rollback sa presyo sang diesel kag kerosene sini nga semana apang posible magsaka ang presyo sang gasolina, suno sa Department of Energy (DOE).
Base sa apat ka adlaw nga trading monitoring sa Mean of Platts Singapore, ginabanta manaug sang P9 kada litro sa diesel, kag P12 naman kada litro sa kerosene.
Samtang, mahimo magsaka sang P1.60 tubtob P1.70 sa kada litro sang gasolina.
Suno kay DOE Oil Industry Management Bureau Director Rino Abad, amat-amat na nga nagabalik sa normal market-based pricing ang langis matapos maapektuhan sang tensyon sa Middle East nga nag-umpisa sang Pebrero.
Suno diri, ang presyo sang langis sa global market ang yara sa $70 tubtob $95 kada bariles.
Ianunsyo naman sang mga kumpaniya sang langis ang opisyal nga presyo sang mga produktong petrolyo subong nga adlaw kag ipatuman naman bwas nga adlaw, Martes.
