-- ADVERTISEMENT --
Makaguluginhawa ang mga motorista subong nga semana bangud bigtime oil price rollback ang fuel retailers sa presyo sang produktong petrolyo.
Ini matapos sang lima ka asud-asud nga semana sang pagsaka sang presyo sang gasolina, kag duha ka semana nga pagsaka sa diesel.
Gin-anunsyar sang Department of Energy (DOE) ang minimun rollback nga P4.76 kada litro para sa gasolina, P9.26 kada litro para sa diesel kag P10.86 kada litro para sa kerosene halin subong nga Hunyo 2 tubtob Hunyo 8.
Ang aktwal nga pagnubo sang presyo, nga maga-epekto sugod subong nga Martes, mahimo nga maglain-lain depende sa kompanya kag posible man nga mas dako pa sangsa ginpatuman nga minimum nga rollback.
