Presyo sang gasolina, nagnubo sa P1.70 kada litro; Diesel, nagnubo sang 90 sentimos

Good news sa mga motorista, liwat nga magapatuman sang oil price rollback ang nga kumpaniya sang gatong subong nga adlaw, Marso 11.

Sa separado nga advisories gin-anunsyar sang Shell Pilipinas Corp. nga nagpatuman sila sang pagnubo nga P1.70 sa kad litro sang gasoline; P1.80 sa kada litro sang Kerosene kag P0.90 sa kada litro sang diesel.

Samtang ang Cleanfuel kag PTT Philippines ang nagpatuman sang pareho nga price adjustments magluwas nalang sa kerosene nga wala sa ila produkto.

Nagtake-effect ang price changes alas 6:00 ang takna kaina sang aga samtang ang Cleanfuel ang magapatuman sang pareho nga price adjustment alas 8:01 ang takna subong nga aga.