-- ADVERTISEMENT --
Ginalantaw sang Department of Energy (DOE) nga indi pa magbalik sa pre-war level ang balor sang gatong sa tunga sang nagadugay nga giyera sa Middle East.
Ini kasundo sang liwat nga nagsaka ang presyo sang global oil matapos gin-atake sang Houthi fighters ang airport sa Saudi Arabia.
Suno kay DOE Secretary Sharon Garin, posible nga padayon nga magasaka ang presyo tubtob sa Disyembre.
Subong nga semana, nagsaka sang halos P8 kada litro ang presyo sang gatong.
