Nagsaka sang P15 ang presyo sang kada tray sang itlog nga ginabaligya sa Bacolod Central Market matapos nga nagsaka sang 50 sentimos ang bili sang isa ka itlog.
Sa interview sang Bombo Radyo kay Joan Lariosa, manugbantay sa isa ka balaligyaan sang itlog sa Central Market, nagligad lamang nga mga inadlaw nagsaka ang presyo sang itlog.
Pinakamabakal amo ang P210 nga isa ka tray sang itlog.
Suno kay Lariosa, ang medium size nga itlog nga nagabili sang tinalikdan sang P210 ang nagabili na subong sang P225.
Samtang ang large naman ang nagabili na sang P240 per tray gikan sa P225 nga presyo kag ang extra large ang nagsaka sa P255 gikan sa P240.
Ang isa ka itlog naman ang nagabili sang P7.50 para sa small, P8 sa medium, kag P8.50 naman sa extra large.
Suno kay Lariosa, nagsaka sang 50 sentimos ang bili sang kada itlog, walay sapayan sang iya nga size.
Pahayag ni Lariosa, mahina na ang baligyaanay sang itlog bangod nga nagmahal ang presyo sini.
