Ginalantaw sang nagabaligya sang baboy sa Burgos Public Market nga magamahal pa ang presyo sang karne subong nga holiday season.
Sa interview sang Bombo Radyo Bacolod kay Rodolfo Oberas, ang karne sang baboy ang nagnubo na sa P280 kada kilo komparar sa P300 kada kilo sang tinalikdan.
Suno kay Oberas, ang presyo sang karne sang baboy ang nakadepende man kun ano ang bahin sang baboy ang ibaklon sang kustomer bangud ang pinakamahal sa karun ang pork belly nga mabakal sa P300 tubtob P320 ang kilo.
Ginalantaw man sini nga magamahal man ang presyo sang karne subong nga holiday season.
Ginpahayag man ni Oberas nga wala man naapektuhan ang supply sang baboy sa syudad sang Bacolod bangud wala man sang kaso sa syudad kasubong man sa probinsya sang Negros Occidental.
Ginpasiguro man sini nga ang kiluhan nga ila ginagamit ang calibrated bangud ini ang ginatsekyar man sang syudad.
