May yara sang pagsaka sa presyo sang karne sang baboy sa mga merkado bangod sa halit sang African Swine Fever santo sa joint inspection sang Department of Agriculture kag Department of Trade and Industry.
Sa bahin sang Metro Manila, nagdangat na sa P450 tubtob P490 kada kilo ang presyo sang pork belly halin sa P390 kada kilo.
Suno sa DA, nagsaka ang presyo bangod linibo ka mga backyard kag commercial swine raising farms sa bilog nga pungsod ang naapektohan sang ASF.
Suno diri, may yara na lang sang 8.5 million swine heads sa pungsod halin sa 13 million antes pa man ang halit sang ASF.
Agud masolusyonan ini, nagaplano ang DA nga derekta na lang nga baklon sang Food Terminal Incorporated (FTI) ang karne halin sa hog farm.
Ginahulat pa man sa karun ang commercial sale sang anti-African swine fever vaccine agud maumpisahan ang swine repopulation.
