Magabakal sang dugang nga equipment nga sarang maka-store sang mga COVID-19 vaccines ang probinsya sang Negros Occidental.
Madumduman nga nagpirma sang tripartite agreement si Governor Eugenio Jose “Bong” Lacson kaupod angh AstraZeneca Pharmaceuticals kag national government agud makaprocure ang probinsya sang 100,000 doses sang bakuna para sa 50 mil ka mga persona.
Suno kay Lacson, nakatumod na sila sang mga cold storage area apang natalana nga magbakal ang provincial government sang dugang nga equipment nga sarang maka-store sang tubtob -70 degrees Celcius.
Plano naman sang gobernador nga ipahamtang ini sa mga strategic areas para sa vaccination.
Suno kay Lacson, posible nga sa late second quarter ukon early 3rd quarter magaabot ang COVID vaccine para sa probinsiya.
Nahibaluan nga prayoridad nga mabakunahan amo ang mga health workers kag iban pa nga mga frontliners kag marginalized sectors.
