Ginpangunahan sang pamunuan sang Rizal Elementary School ang pagpatigayon sang programa para sa pagdumdom sang 128th Rizal Day subong nga adlaw, December 30, 2024.
Nagtambong sanday Councilor Jude Thadeus Sayson, Em Ang kag Atty. Renecito Novero.
Isa man si Bacolod City Police Office City Director Police Col. Joeresty Coronica.
Naghatag sang mensahe ang Principal VI sang Rizal Elementary School nga si Dr. Pedro Crispe Jr.
Sa mensahe ni Crispe, kadungan sang 128th Rizal Day ang ginadumdom natun sa karun ang kabuhi kag mga hinimuan sang nasambit nga baganihan
Ang tema subong nga pagdumdom sa pagsakripisyo sang nasambit nga baganihan amo ang “Rizal: Sa Bagong Pilipinas, Buhay at Aral Aming Nilalandas”.
Ini ang pagpanghangkat ni Rizal sa karun nga henerasyon kag sa masunod nga henerasyon nga dapat nga ikabuhi natun nga mga Filipino ang atun nga mga kinamatarong sa hilway kag nagasanyog nga pungsod.
Naghatag man sang mensahe si Councilor Atty. Renecito Novero sa ginpatigayon nga programa.
Sa mensahe ni Novero, nga kabay ang mga pumuluyo ang magapanindugan man kaangay kay Dr. Jose Rizal kag iban pa nga mga baganihan.
Nagapangamuyo ini nga sa nagahilapit nga piniliay kag sa tinutuyo nga pagpili para sa pagbag-o sang pungsod, nga may yara sang magaluntad nga milagro sang pagbag-o batok sa mga money politics, indifference kag ignorance sa mga pumulyo.
Suno diri ini man ang tinutuyo sang atun baganihan nga si Dr. Jose Rizal.
