Gin-athag sang general manager sang Northern Negros Electric Cooperative (NONECO) nga estoryahan pa sang board of directors ang unsolicited proposal para sa Joint Venture Agreement sa Negros Electric and Power Corporation (NEPC).
Sa interview sang Bombo Radyo Bacolod kay Engineer Wilbe Bilbao, nakibot siya bangud wala pa sang opisyal nga impormasyon nga nagikan sa ila opisina angot sa proposal nga JVA sa tunga sang Northern Negros Electric Cooperative (NONECO) kag Negros Power.
Suno kay Bilbao, natalana pa nga estoryahan sang board ang nasambit nga proposal.
Suno diri madamo na sang balita nga nagwa kag bisan si Bishop Gerardo Alminaza ang nagpost na sang JVA.
Dugang pa sini, masako pa sila sa karun sa paghimo sang tikang agud nga maimprubar ang serbisyo sang NONECO.
Suno kay Bilbao kun may yara na sang opisyal nga impormasyon mapatawag man ini sang pressconference agud nga i-anunsyar ini.
