Ginkumpirmar sang pinuno sang Municipal Social Welfare and Development Office (MSWDO) nga nagdul-ong sang bulig ang Negros Occidental Provincial Social Welfare and Development Office (PSWDO) kag ang Office of the Vice President sa mga evacuees bangud sa natabo nga engkwentro sa tunga sang 79th Infantry Batallion ng Philippine Army kag New People’s Army sa Barangay Salamanca, Toboso, Negros Occidental.
Sa interview kay Peggy Anne Gimena, nabaton na sang mga evacuees ang hygiene kits, sleeping kits, kitchen kit kag hygiene kit.
Nahatagan na nila ang mga evacuees sa Salamanca kag ang sa Labilabi Elementary School ang balikan lamang sang PSWDO agud nga mahatagan ang mga additional number of evacuees.
Suno kay Gimena, magluwas sa kits nakabaton man ang tagsa ka nag-evacuate sang tunga sa sako sang bugas halin sa Office of the Vice President.
