Ginkansela na ni Vice President Sara Duterte ang natalana sini nga byahe padulong sa Japan.
Ang kanselasyon gin-anunsyar isa ka adlaw matapos ginpagwa sang Malacañang ang iya nga travel authority.
Nagkabalaka ini sa kaugalingon nga seguridad matapos ginpagwa sa publiko ang iya mga byahe.
Una na nga ginsiling sang Office of the President nga nagpagwa sila sang travel authority sang bise presidente sang Agosto 17 para sa personal nga biyahe sa Japan humalin Agosto 19 tubtob 24 nga wala sang gastuson ang gobyerno.
Apang, ginhingyo sang Office of the Vice President sa Malacañang kahapon nga ikansela ang travel authority matapos magbag-o ang plano sang Bise Presidente.
Wala naman naghatag pa sang dugang nga detalye ang bise presidente tuhoy sa rason sang kanselasyon.
