Provincial Vet Office: Supply sang karne sang manok sa Neg Occ, bastante

BACOLOD CITY — Ginpasiguro ni Provincial Veterinarian Dr. Renante Decena nga may bastante nga suplay sang karne sang manok sa probinsiya sang Negros Occidental sa pihak sang pagdumili sang Bureau of Animal Industry sa pagsulod sang dressed chicken gikan sa Pampang bangud sang bird flu outbreak.

Suno kay Dr. Decena, sa pagkamatuod may surplus pa sang dressed chicken sa probinsiya bangud sa pagsaka sa pito ka milyon nga populasyon sang nagabuto nga native chicken.

Ini magluwas pa sa 1.5 tubtob duha ka milyon nga broiler chicken nga maprodyuser tagsa ka bulan.

Sa sini, suno sa provincial veterinarian, wala sang problema sa karne sang manok ukon dressed chicken bisan pa nga indi magpasulod sang manok ang iban nga probinsiya.