BACOLOD CITY — Ginsuspendir ni Governor Alfredo Marañon Jr. si Provincial Agriculturist Engr. Igmedio Tabianan sa sulod sang 60 ka adlaw.
Ginkumpirmar ni Provincial Administrator Dr. Leonardo Eusebio ang pag-serbe ni Provincial Legal Officer Atty. Jose Maria Valencia sang suspension order kay Engr. Tabianan kahapon nga adlaw.
Ang suspension order pirmado ni Governor Marañon kag ini ang bilang kabahin sang normal nga proseso para sa isa ka empleyado nga may kaso nga grave misconduct and malversation of public funds.
Mismo ang isa ka job order casual sa nOPA ang nagpasaka sang kaso nga paglapas sa Republic Act 7160 (Local Government Code of 1991) batok kay Tabianan.
Gindesignar si Economic Enterprise Development Department (EEDD) Head Atty. Japhet Masculino bilang officer-in-charge sang Office of the Provincial Agriculturist (OPA).
