Ginpasalig sang Acting Mayor sang Bacolod City nga padayun ang mga public services apisar nga Christmas break.
Sa interview sang Bombo Radyo Bacolod kay Vice Mayor El Cid Familiaran, na-aprubahan na ang Service Recognition Incentive (SRI) nga tig-P20,000 para sa mga regular employees sang City Government.
Kalakip man diri ang para sa plantilla casual kag mga technical kag executive assistance personnel.
Magluwas sa SRI, nakabatun man sang P50,000 nga Collective Negotiation Agreement (CNA) ang mga empleyado.
Kag sila ang may Performance Incentive Bonus (PIB) man nga P5,000.
Paathag ni Familiaran nga ang SRI ang ginahatag base sa executive order ni President Ferdinand “Bongbong” Marcos Jr., ang CNA ang santo naman sa negotiation sa tunga sang alkalde kag employees union samtang ang PIB ang nakabase sa performance.
Sa Lunes naman patigayon ang last session sang konseho antes ang break bangod natuon sa Disyembre 25 ang ila Miyerkules nga regular session.
Sa pihak sang holiday, ginpasalig ni Familiaran nga may-ara gihapon sang skeletal force sa pila ka mga public services.
Kalakip diri ang sa lying-in clinic, public order and safety office (POSO) guards, ang public servants ang on-call man bisan Domingo samtang ang Disaster Risk Reduction and Management Office ang on-standby man.
Wala man untat ang pagserbisyo sang Bureau of Fire Protection kag Philippine National Police.
