Ginaengganyo sang Cybercrime Investigation and Coordinating Center kag Scam Watch Pilipinas ang mga Pilipino nga gamiton ang eGov application sang Department of Information and Communications Technology.
Suno sa grupo, makabulig ini para mareport ang mga nabaton nga text scams.
Sa isa ka statement, ginpahayag ni CICC Executive Director Undersecretary Alexander Ramos, bangud sa features sang nasambit nga application, mahimo nga mareport ang mga nabiktima sang text scams.
Magluwas pa ini sa Hotline 1326 sang Inter-Agency Response Center nga mahimo man nga matawgan sa tion nga mabiktima sang scammer online.
Kinahanglan lamang nga iupload sa nasambit nga app ang screenshot nga nabaton sang publiko sa ila nga mga cellphone.
Preparado man suno diri ang mga personnel sang Cybercrime Investigation and Coordinating Center kag National Telecommunications Commission.
Mahimo man nga mareklamo sa eGov app ang mga kaso sang child abuse, red tape, sunog, kag iba pa nga insidente.
